← Féachann sé gur cuid de dhúchas an duine daonna iad seo cé go mbíonn drogall orainn a admháil go bhfuil na tréithe déistineacha seo lonnaithe inár n-anam féin. 🔊
← Bhagair sé an lámh láidir ar a chomharsa, nó b'in é mar a b'fhacthas dó sin é, agus rinne sé beart de réir a bhriathair nuair a d'ionsaigh sé an Ucráin gan bhuíochas d'éinne. 🔊
← Cén dochar dó má chailleann sé cúig mhíle saighdiúr anseo agus trí mhíle ansiúd a fhad is a chailleann an taobh eile níos mó ná sin? 🔊
← Tá sé ar nós cluiche aige nuair is cuma cén scór a fhaigheann an fhoireann eile a fhad is a bhíonn an scór aige siúd níos airde ná iad. 🔊
← Is cuma leis cad a thiteann amach mar thoradh ar an ionsaí a rinne sé - infreastruchtúir agus árais na ndaoine a bheith scriosta, daoine ag imeacht leo mar theifigh, teaghlaigh bhriste agus dilleachtaí gan dóchas. 🔊
← Tharla sé seo ar fad toisc go raibh Putin ag iarraidh fear mór a dhéanamh de féin. 🔊
← Bhí sé ag iarraidh go gcuirfí a ainm i measc ceannairí móra na Rúise, go gcuirfeadh sé Aontas na Sóivéide mar fhórsa láidir míleata ar stáitse an domhain. 🔊
← Má tharlaíonn sé sin beidh siad ag iarraidh go leor tíortha eile a chur faoi chois ach ní bheidh na Stáit Aontaithe ná an tIarthar go ginearálta sásta glacadh leis sin. 🔊
← Más mar sin a thiteann sé amach beimid ag stánadh idir an dá shúil ar an tríú cogadh domhanda. 🔊
← Tá sé de chumas ag an gcine daonna anois an domhan a scriosadh agus a bhfuil ann a mharú in aon iarracht amháin. 🔊
← D'fhéadfaí an domhan a chur i riocht nach gcothódh sé aon rud beo - ainmhí ná planda - le cnaipe nó dhó a bhrú. 🔊
← É sin ráite, ní thógfadh sé ach gealt amháin leis an gcumhacht chuí, nó botún amháin go deimhin, chun an saol a thabhairt go deireadh ré. 🔊